۹ آبان ۱۳۸۹

امبست

      آرش گیلانی پور  وستی
         شبنده  روز     راشی  ور
  
       رافا  !

        نیشتاوم  دِ   گیله وا   جه   خوررم  گب .

      هسا   کلاچ

      تترج

      زرخˇ    خنده یا      ایشکنه .

      تش  دَره 

     می  دیلا     پور .


۱۵ مهر ۱۳۸۹

وارشˇ  جير

 تي  اويري   پاماله   سر 

 اورگانم   مي   گيلكي   زوانˇ   امره

 ((دوواره  آسمانˇ  ديل  پورا  بؤ ))

 فاندر
  
 خودايم  مي  امره   اورگانه

 وارش

 وارش

 وارش


                               اوير : ناپيدا / پاماله :ردپا / اورگادن : آواز سر دادن /زوان : زبان /  فاندر : نگاه كن

vareshe jir / ti aviri pamale sar / ourganam mi gilaki zavane amre                                               
        doovare asemane dil pora bou / fandar                                                                                          
 khodayam mi amre  ourgane / varesh varesh varesh                                                                    


۹ مهر ۱۳۸۹

ایبار دِ تاسیان

نئسائی

نئسائی کی بیدنی .

هی زمات نئسائی .


نئسائی کی بیدنی می کولˇ ناجه یا

می موران بزه غورصه یا

می گیلˇ مردومˇ ول بیگیفته دیلا

نئسایی    کی هسا  وارش  تومامَ  بوستندره .

 .....


هی زمات نیدینی

نیدینی  مالا  سفره یا

 کی هَتو سفید ˇ ماهی  رافایی وستی  گرده

نیدینی  اجنبی بجَ   ،

کی هسا می توم بجارˇ اویستیه


نیدینی 
نیدینی کی می زَوان و می زمین

ایپچه ایپچه  اویرا  بوستندره.

هسا ....

هسا می خانه پرچین 

ترسˇ جه  پرکستندره .

نئسائی و نیدینی ....!
                                                                      رشت  / شریر ما    ۱۵۸۳
                                                                                           دی ماه 1388
------------------------------------------------------------------------------

کول : کند / موران بزه : زنگ زده /ناجه: آرزوـ رویا  /  ول : آتش  / مالا : ماهیگیر/ رافایی : انتظاری  /
  بج : برنج /  توم بجار : خزانه شالیزار / اویستی : هوو  /  اویر : گم  / پرکستنده : می لرزد



توشکه :   می دیل پور بو  ،  واگویه جه   . بیدم  هه  قدیمی  شعر  تومام  می گبانا   خو   درونی  دره  .